Close
(0) items
You have no items in your shopping cart.
All Categories
    Filters
    Change Language
    Search

    კომპანია Philips - ის ისტორია

    კომპანია Philips - ის ისტორია 1891 წელს დაიწყო, როდესაც ჟერარ ფილიფსმა თავის მამასთან ფრედერიკთან ერთად დააარსა კომპანია Philips & Co ნიდერლადების ქალაქ ეინდჰოვენში. თავიდან კომპანია წარმოადგენდა მცირე ზომის საწარმოს, რომელიც უშვებდა ელექტრო ნათურებს. კომპანიაში დასაქმებული იყო სულ 10 თანამშრომელი.

    1895 წელს კომპანიას შეუერთდა ჟერარის უმცროსი ძმა ანტონ ფილიფსი. რამდენიმე წლის შემდეგ 1898 წელს, ანტონმა დაამტკიცა თავისი ნიჭი კომერციულ სფეროში, როდესაც გააფორმა კომპანიისათვის ყველაზე დიდი კონტრაქტი, რომელიც ითვალისწინებდა 50 000 ნახშირის სანათის დამზადებას რუსეთის სამეფო კარის ზამთრის ბაღის ლამპიონებისათვის. აღნიშნული კონტრაქტით ახალბედა კომპანიამ მნიშვნელოვნად გაიმყარა პოზიციები მსოფლიო ბაზარზე.

    1914 წელს კომპანია Philips - მა დააარსა სამეცნიერო კვლევითი ლაბორატორია ”NatLab”, რომელშიც ხდებოდა სხვადასხვა ფიზიკური და ქიმიური მოვლენების შესწავლა და მიღებული ცოდნის ინოვაციური პროდუქციის შექმნაში გამოყენება.

    1916 წელს Philips - მა მიიღო ნიდერლანდების სამეფო კარის აღიარება, როდესაც ნიდერლანდების სამეფოს დედოფალმა მიანიჭა კომპანიას უფლება, რომ ის მოხსენიებულიყო სიტყვით სამეფო (Koninklijke) . რამდენიმე წლის შემდეგ კომპანიამ პირველად წარმოადგინა სამედიცინო რენტგენის მილი. ამის შემდეგ კომპანიამ გააფართოვა თავისი მოღვაწეობის სფეროები და აქტიურად დაიწყო პატენტების შექმნა სხვადასხვა დარგში (სამედიცინო, სანათი მოწყობილობი, რადიო-ელექტრონული და სხვა).

    1927 წელს Philips იწყებს თავისი პირველი რადიო მიმღების წარმოებას, რომლის გაყიდვებმაც 5 წლის განმავლობაში მილიონი ეგზემპლარი შეადგინა. 1938 წელს კი Philips - მა თავისი პირველი ტელევიზორი წარმოადგინა, ხოლო ერთი წლის შემდეგ მან დაიწყო თავისი ინოვაციური როტორული წვერსაპარსის ”Philishave” წარმოება, რომელსაც არნახული წარმატება ხვდა წილად.

    მომდევნო წლებში კომპანია Philips იქცა მსოფლიო მაშტაბის ერთ-ერთ მნიშვნელოვან წევრად. შექმნა მრავალი ინოვაციური პროდუქტი სხვადასხვა დარგში და გაიმყარა თავისი პოზიციები მსოფლიო ბაზარზე.

    •     - მა კომპანია Sony - სთან ერთად შექმნა და გაყიდვაში ჩაუშვა პირველი CD კომპაქტ დისკი 1982 წელს. ხოლო 1997 წელს კვლავ კომპანია Sony - სთან ერთად მსოფლიოს წარუდგინა პირველი DVD დისკი.

    დღეისათვის კომპანია Philips გააჩნია სამი ძირითადი მიმართულება: ჯანდაცვა, სინათლის გადაწყვეტილებები და სამომხმარებლო პროდუქტი. სამივე დარგში Philips ითვლება ერთ-ერთ ლიდერ ბრენდად, რომელიც კიდევ განაგრძობს ზრდას და გაუმჯობესებას. Philips ყავს 115 000-ზე მეტი თანამშრომელი მთელი მსოფლიოს მასშტაბით, ხოლო მისმა სუფთა მოგებამ 2013 წლის მონაცემებით შეადგინა 1.2 მილიარდი ევრო.

    Leave your comment